A USC pon a disposición da comunidade universitaria e do resto da cidadanía unha ampla oferta deportiva que abarca dende actividades acuáticas, sendeirismo, ou a aprendizaxe de múltiples modalidades deportivas, pasando por diversas actividades aeróbicas e de acondicionamento físico, así como de benestar e lecer.
Dende hoxe, ábrese o prazo de matrícula para as persoas integrantes da categoría de comunidade universitaria da USC, parella e fillas/os de persoal da USC e o persoal xubilado, mentres que a partir do 8 de setembro, dende as 9.00 horas, incorpórase ao procedemento de inscrición o resto da cidadanía.
Entre as novidades deste ano, destaca a creación de catro grupos para a práctica do pickleball, rutas de sendeirismo nos campus de Santiago e Lugo, así como o incremento de grupos en distintas actividades debido ao seu éxito de participación. Na web do Área Deportiva da USC pode consultarse toda a oferta deportiva, así como o calendario das actividades e procedemento de inscrición.
