A música e as artes escénicas protagonizan a axenda de Compostela Cultura en xuño

Santiago de Compostela celebra o mes de xuño cunha intensa programación cultural impulsada por Compostela Cultura, que levará concertos e espectáculos a prazas, barrios e espazos emblemáticos da cidade.

A Banda Municipal de Música de Santiago de Compostela (BMSC), a Real Filharmonía de Galicia (RFG) e compañías convidadas como o Teatro Nacional D. Maria II de Lisboa ou o Centro Dramático Nacional compartirán co público un mes cheo de música, memoria, reflexión e celebracións. Aquí podes consultar todas as propostas organizadas por orde cronolóxica:

Xoves 5 de xuño

• BMSC · Da Trisca ás PrateríasPraza das Praterías · 20:00 h · Entrada libre 

A Banda Municipal, baixo a batuta de Casiano Mouriño, ofrece un percorrido musical desde a Trisca ata o corazón da zona histórica con obras de Philip Sparke, Alfred Reed, José Serrano e Franco Cesarini. O programa inclúe pezas que van da fantasía latina á música rusa e a evocación do ciclo dos ríos do compositor Arie Malando.

Xoves 12 de xuño

• BMSC · Dos Concheiros á Praza de CervantesPraza das Praterías · 20:00 h · Entrada libre 

Unha nova parada do ciclo “Paseos” da BMSC, con música de Lehár, Chueca ou Giménez, nun repertorio que abraza a zarzuela, a danza sinfónica e a música contemporánea de Pascual Piqueras ou Yosuke Fukuda.

• RFG · Concertos nos BarriosCasa das Máquinas · 19:30 h · Entrada libre

A Real Filharmonía, dirixida por Sebastian Zinca, interpretará obras de Mozart, Haydn, Strauss e Mendelssohn con solistas da Escola de Altos Estudos Musicais.

Venres 13 de xuño

• RFG · Concertos nos BarriosIgrexa de Conxo · 19:30 h · Entrada libre

Co mesmo formato, pero cun repertorio diferente, a RFG ofrece un programa con clarinete, frauta e viola como protagonistas. Mozart, Bruch, Reinecke e Haydn soarán nun espazo singular da cidade.

Sábado 14 e domingo 15 de xuño

• Casa PortuguesaTeatro Principal · Sábado 20:30 h · Domingo 18:00 h · 14 € 

O Teatro Nacional D. Maria II de Lisboa chega a Compostela cun espectáculo emotivo e político que explora a memoria da Guerra Colonial portuguesa e a transformación da identidade nacional. A obra aborda os traumas históricos desde o diálogo co pasado e o concepto simbólico do “fogares”.

Domingo 15 de xuño

• BMSC · Festas do barrio do CastiñeiriñoCampo da festa do Castiñeiriño · 13:30 h · Entrada libre 

A Banda Municipal protagoniza unha sesión vermú con pasodobres e xotas galegas de Reveriano Soutullo, Gustavo Freire, Enrique García ou R. Groba. Unha proposta festiva para celebrar cos veciños o ciclo “Un paseo polos nosos barrios”.

Mércores 19 de xuño

• BMSC · Día Mundial dos RefuxiadosPraza das Praterías · 19:00 h · Entrada libre 

Nunha colaboración coa Rede Galega en Apoio ás Persoas Refuxiadas, a BMSC ofrece un concerto con obras que evocan o drama, a esperanza e a resistencia dos pobos desprazados. O programa inclúe temas como Imagine de John Lennon ou An American Elegy de Frank Ticheli.

Xoves 26 de xuño

• BMSC · Un paseo lírico e melódico con Alberto GonzálezPraza das Praterías · 20:00 h · Entrada libre 

O tenor Alberto González acompaña á Banda Municipal nun recital que combina grandes éxitos da lírica internacional (La Vie en Rose, Nessun Dorma) con pezas galegas como Negra sombra e Lela, nun paseo por emocións e culturas diversas.

Venres 27 de xuño

• Los BrutosTeatro Principal · 20:30 h · 14 € 

O Centro Dramático Nacional pecha o mes con Los Brutos, unha obra que retrata a vida dun mozo nun barrio obreiro que atopa na arte unha saída da exclusión. A escrita, a amizade e a familia son os motores dunha historia que desafía o concepto de "brutalidade" e reivindica a humanidade oculta na marxe.